اسلام آباد (م ڊ) اڳوڻي ڊي جي ايف آءِ اي بشير ميمڻ انڪشاف ڪيو آھي تھ عمران خان جي حڪم تي کيس باٿ روم ۾ بند ڪيو ويو هو. بشير ميمڻ هيڪر جي ٽوئيٽ جي تصديق ڪندي چيو آھي تھ عمران خان جي حڪم تي کيس باٿ روم ۾ بند ڪيو ويو ۽ پنهنجي ڳالهه مڃائڻ لاءِ مٿس دٻاءُ وڌو ويو هيو. بشير ميمڻ موجب عمران خان سندس آڏو مريم نواز خلاف ڪِريل ٻولي استعمال ڪئي، جنهن تي کيس ڪاوڙ آئي ۽ هن وڏي آواز ۾ عمران خان کي جواب ڏنو. جواب ايڏو سخت هيو جو بس رڳو گار ڏيڻ رهجي وئي هئي. بشير ميمڻ چيو ته منهنجو لهجو ڏسي اعظم خان هٿ پڪڙي باٿ روم ۾ وٺي ويو ۽ ٻاهران دروازو بند ڪري ڇڏيو، اعظم خان چيو ته وزيراعظم کي ائين پيو چوين. هيڪر ان واقعي کانسواءِ تمام گهڻيون ڳالهيون ڪالهه پنهنجي ٽوئيٽ ۾ ڪيون پر هنيئر تائين انهن ڳالهين جي تصديق ناهي ٿي سگهي، جڏهن ته بعد ۾ هيڪر پنهنجون ٽوئيٽس ڊيليٽ ڪري ڇڏي هئي.
