پکو(ن س) پکو پريس ڪلب اڳيان عورتن ۽ مردن جو قمبر جي پوليس اهلڪار سليم ميراڻي جي ڏاڍائين خلاف احتجاج. انهيءَ موقعي تي متاثر عورتن شاهدان خاتون، دريا خاتون، وزير علي ابڙو، خان محمد ميراڻي ۽ ٻين ريهون دانھون ڪندي صحافين کي ٻڌايو ته پوليس اھلڪار سليم ميراڻي اسان جي گھر ۾ گھڙي عورتن مٿان تشدد ڪري نوجوان کي بيگناه گرفتار ڪري داٻا ڏنا. اسان مجبور ٿي پکو پريس ڪلب ۾ پهچي پوليس اھلڪار سليم ميراڻي جي ڏاڍائين خلاف احتجاج ڪيو. احتجاج ڪندڙ متاثرن جو وڌيڪ چوڻ هيو ته اهڙي شڪايت حد جي ٿاڻي تي ۽ اعليٰ اختيارين کي ڏني پر ڪو به تدارڪ نه ٿيو آھي. احتجاج ڪندڙن آءِ جي سنڌ، ڊي آء جي لاڙڪاڻو ۽ ايس ايس پي قمبر شھدادڪوٽ کان اپيل ڪندي مطالبو ڪيو ته پوليس اھلڪار خلاف ڪاروائي ڪري اسان سان انصاف ڪيو وڃي .
