ڪراچي (بيورو) سنڌ جي گورنر ڪامران خان ٽيسوري ملڪ جي اڳوڻي صدر آصف علي زرداري سان بلاول هائوس ۾ ملاقات ڪئي. گورنر سنڌ پيپلز پارٽي جي شريڪ چيئرمين آصف علي زرداري جي خيريت معلوم ڪئي. ملاقات ۾ ملڪي مجموعي سياسي صورتحال، صوبي کي پيش ايندڙ مسئلن، ٻوڏ متاثرن جي بحالي جي قدمن ۽ شهر قائد جي ترقياتي منصوبن تي خيالن جي ڏي وٺ ڪئي. اڳوڻي صدر آصف علي زرداري گورنر سنڌ ڪامران خان ٽيسوري جي لاءِ نيڪ خواهشن جو اظهار ڪيو.
