ڄامشورو(ڊ ر) ڄامشوري ۾ پيٽارو ڀرسان ڳوٺ ٻاسورو ۾ بااثر ماڻهن پاران خانگي سيڪيورٽي ڪمپني ۾ ڊيوٽي ڪندڙ پورهيت محمد علي ماڇي جي گهر تي مبينا طور ڪاھ ڪري گهر ۾ موجود عورتن ۽ معصوم ٻارڙن تي تشدد ڪرڻ بعد سندس 16 سالا نياڻي شبانه ماڇي کي اغوا ڪري ويا, اهڙي واقعي خلاف اغوا ڄاڻايل ناري جي والده مسمات گۡڏي ڌيءۡ جي صدمي ۾ بيحالي واري حالت ۾ ڀيڻ شبانا ماڇي ۽ ڀاڻج عبدالحميد ماڇي سان گڏجي ڄامشورو ڊسٽرڪٽ پريس ڪلب پهچي صحافين آڏو سخت احتجاج ڪندي دانهيو ته پنج ڏينهن اڳ منهنجي مڙس جي غيرموجودگي ۾ اسان جا ويجها مائٽ شبير ماڇي، گلزار ماڇي، حاڪم ماڇي ۽ ٻيا بلاجواز ناجائزي ڪندي هٿيارن جي زور تي گهر اندر داخل ٿي گهر ڀاتين کي يرغمال بڻاڻو ۽ انهن مٿان سخت تشدد ڪرڻ بعد منهنجي 16 سالا نياڻي شبنم ماڇي کي اغوا ڪري ويا آهن ۽ اهي پڻ ڌمڪيون ڏئي ويا آهن ته تنهنجي ٻي ڌي کي به اغوا ڪري وينداسين, هن چيو آهي ته بااثرن جي اهڙي ناجائزي بعد اسان ڄامشورو ٿاڻي ۽ حد جي پوليس پوسٽ تي پڻ پهچي انصاف لاء دانهيو آهي پر پوليس بااثرن جي وانگاري هئڻ سبب 5 ڏينهن گذري وڃڻ باوجود اڃان تائين ڪا به ڪارروائي نه ڪئي وئي آهي نتيجي ۾ جوابدار ڌر اسان کي خاموش ڪرڻ لاء ھڪ ڀيرو ٻيهر اسان جي گهر مٿان حوالي فائرنگ ڪري اسان کي ڌمڪائي ويو آهي,هن آءِ جي سنڌ، ڊي آءِ جي حيدرآباد ۽ ايس ايس پي ڄامشورو کان مطالبو ڪيو آهي ته معاملي جو نوٽيس وٺي منهنجي نياڻي کي بازياب ڪرائي انصاف ڪيو وڃي.
