راولپنڊي (م ڊ) جنرل ساحر شمشاد مرزا جوائنٽ چيفس آف اسٽاف ڪميٽي چيئرمين جي عهدي جي چارج سنڀالي ورتي. آءِ ايس پي آر موجب جوائنٽ اسٽاف هيڊ ڪوارٽرز ۾ جنرل ساحر شمشاد لاءِ پروقار تقريب جو اهتمام ڪيو ويو. آءِ ايس پي آر ٻڌايو ته تقريب ۾ ٽنهي هٿياربند فوجن جي رٽائرڊ ۽ حاضر سروس آفيسرن وڏي انگ ۾ شرڪت ڪئي. بيان موجب جنرل ساحر شمشاد مرزا کي ٽنهي هٿياربند فوجن جي دستن سلامي پيش ڪئي، جوائنٽ چيفس آف اسٽاف ڪميٽي چيئرمين جنرل ساحر شمشاد مرزا گارڊ آف آنر ۽ مارچ پاسٽ جو جائزو ورتو.
