لاڙڪاڻو(بيورو رپورٽ) لاڙڪاڻي ۾ پبلڪ هيلٿ اسڪول ۾ آرمي پبلڪ اسڪول پشاور جي شهيدن کي ڀيٽا پيش ڪرڻ لاءِ تقريب ڪوٺائي وئي جنهن ۾ اسڪول جي پرنسپال ڊاڪٽر سڪينه گاد، فيميل ٽيچرن ۽ شاگردياڻين نصرت، عائشه، ڊاڪٽر فريده، مريم، فرزانه سميت اسڪول جي عملي شرڪت ڪري گڏجي ميڻ بتيون ٻاري شهيدن کي ڀيٽا پيش ڪئي. ان موقعي تي پرنسپال ۽ فيميل ٽيچرن چيو ته آرمي پبلڪ اسڪول پشاور جا شهيد اسان جا قومي هيروز آهن جن پنهنجي جانين جا نذرانا ڏنا پر دهشتگردن آڏو نه جهڪيا، اڄ پوري ملڪ ۾ شهيدن جي ورسي ملهائي پئي وڃي جنهن تي اسين کين ڀيٽا پيش ڪندي اِهو عزم ٿا ورجايون ته شهيدن جي ڏنل قرباني کي ڪڏهن به نه وسارينداسين.
